|
|
 ԵՐԵՎԱՆԻ ԿԱՄԵՐԱՅԻՆ ԹԱՏՐՈՆ
ՆՈՐՈՒԹՅՈՒՆՆԵՐ
(2008-2010)
2008
- 07-14.02.2008 թ. – Իրան, Թեհրան, Կամերային թատրոնը «Ի զե´ն» թատերախաղով հանդես եկավ The 26th Fadjr International Theatre Festival-ում։
- 22.02.2008 թ. - «Փնտրվում է տղամարդ» ներկայացման պրեմիերա։ (ըստ Քերոլլ Ֆրեշետտի «Ժան և Բեատրիս» պիեսի)։ Բեմադրող-ռեժիսոր Լուսինե Երնջակյան։
- 12.03.2008 թ. – Երևան, «Փնտրվում է տղամարդ» բեմադրությունը հանդես եկավ Թատրոնի միջազգային օրվա առթիվ Ազգային թատերական ստեղծագործական միավորման «2007-X» թատերական շաբաթի շրջանակներում։
- 22-29.03.2008 թ. - Սանկտ-Պետերբուրգ, «Բաց Տարածություն» 3-րդ Միջազգային թատերական փառատոն։ Ներկայացվեց «Պարոնա´յք...» բեմադրությունը։
- 27.03.2008 թ. – Կամերային թատրոնի դերասան Գեորգի Ամիրագյանին շնորհվեց «ՀՀ վաստակավոր դերասան» կոչումը։
- 27.03.2008 թ. – 2007-2008 թթ. թատերաշրջանի «Լավագույն երաժշտության հեղինակ» անվանակարգում «Արտավազդ» մրցանակը շնորհվեց Վահե Հայրապետյանին։
- 27.03.2008 թ. – 2007-2008 թթ. թատերաշրջանի «Լավագույն երիտասարդ բեմադրիչ» անվանակարգում «Արտավազդ» մրցանակը շնորհվեց Լուսինե Երնջակյանին՝ «Փնտրվում է տղամարդ» բեմադրության համար։
- 03.05.2008 թ. – Սիրիա, Հալեպ; Հայկական Բարեգործական Ընդհանուր Միության Հ. Ե. Ընկերակցության Ադամյան Թատերախումբը ներկայացրեց «Էտյուդ կանանց մասին» ներկայացումը։ Պիեսի հեղինակ և բեմադրիչ Արա Երնջակյան։ Բեմադրիչի օգնական՝ Հասմիկ Տեր-Կարապետյան։
- 11.05.2008 թ. - «Շատ love story» երաժշտական շոու ներկայացման պրեմիերա։ Հեղինակ և բեմադրող ռեժիսոր Արա Երնջակյան։
- 28.05.2008 թ. – Հայաստան, Վանաձոր; ներկայացվեց «Ի զե´ն» թատերախաղը։
- 10.10.2008 – Հայաստան, Երևան, «HIGHFEST» 6-րդ Միջազգային փառատոն։ Ներկայացվեց «Փնտրվում է տղամարդ» ներկայացումը։ Բեմադրող-ռեժիսոր Լուսինե Երնջակյան։
- 20.11.2008 – «Հոբելյանական հաճախորդը» («Ուզբեկական փլավի բաղադրատոմսը») ներկայացման պրեմիերա։ Պիեսի հեղինակ և բեմադրող ռեժիսոր Արա Երնջակյան։
- Դերերում՝ Քեթրին Մանասյան և Արշալույս Հարությունյան։
- 22.11.2008 – Հայաստան, Երևան, Երիտասարդ թատերական ռեժիսուրայի 3-րդ հանրապետական փառատոն։ Ներկայացվեց «Փնտրվում է տղամարդ» ներկայացումը։ Բեմադրող-ռեժիսոր Լուսինե Երնջակյան։
- 18.12.2008 թ. – «Ամեն օր Ամանոր» երաժշտական ներկայացման պրեմիերա։ Հեղինակ և բեմադրող ռեժիսոր Արա Երնջակյան։
2009
- 20.02.2009 թ. – Երևան, «Հոբելյանական հաճախորդ» բեմադրությունը մասնակցեց Ազգային թատերական ստեղծագործական միավորման «2008-X» թատերական փառատոնին։
- 17.03.2009 թ. – Կամերային թատրոնում տեղի ունեցավ Արա Երնջակյանի “Հոռետեսական կատակերգություններ” գրքի 2-րդ, 3-րդ, 4-րդ հատորների (հայերեն լեզվով) շնորհանդեսը, որտեղ տեղ են գտել ինչպես պիեսներ, այնպես էլ աշխատություն՝ նվիրված Նույնացման համակարգին։ Ժողովածուի մեջ տեղ է գտել նաև «Մի կերպարի ոգեկոչություն» (Հորացիոյի կերպարը Շեքսպիրի «Համլետ»-ում) գիտական աշխատանքը։
- 27.03.2009 – ՀԹԳՄ «Արտավազդ» ամենամյա մրցանակաբաշխության «Լավագույն պիես» անվանակարգում մրցանակ շնորհվեց Արա Երնջակյանին՝ «Հոբելյանական հաճախորդ» («Ուզբեկական փլավի բաղադրատոմսը») պիեսի համար։
- 2009 թվականի ապրիլի 19-23-ը Արա Երնջակյանը մասնակցություն ունեցավ Ռուսաստանի գիտությունների ակադեմիային կից «Համաշխարհային մշակույթի պատմություն» գիտական խորհրդի «Բ. Պաստեռնակը և Շեքսպիրը» թեմայով նստաշրջանին՝ իր «Մի կերպարի ոգեկոչություն; Հորացիոն «Համլետ»-ում. մեկնաբանության փորձ» գիտական աշխատանքի զեկույցով։
- 16.05.2009 թ., Երևան, ներկայացվեց ԵԹԿՊԻ ռեժիսուրական ֆակուլտետի 5-րդ կուրսի ուսանողուհի Լուսինե Երնջակյանի դիպլոմային աշխատանքը՝ «Ինչ տարբերություն, թե ում հետ» ներկայացումը (ըստ Լ. Գերշի «Թիթեռներն ազատ են» պիեսի)։
- 23.06 – 30.06.2009 – ՌԴ, Մոսկվա, Լուսինե Երնջակյանը մասնակցեց Ա. Չեխովի անվան 8-րդ միջազգային թատերական փառատոնին՝ ԱՊՀ երկրների երիտասարդ ռեժիսորների լաբորատորիա։
- 11-14.09.2009 – Ռուսաստանի Դաշնություն, Կրասնոդար, Հայկական մշակույթի օրեր Ռուսաստանում։ Ներկայացվեց «Կաբարե» երաժշտական ներկայացումը։
- 06.10.2009 – Հայաստան, Երևան, «HIGHFEST» 7-րդ Միջազգային թատերական փառատոն։ Ներկայացվեց «Ինչ տարբերություն, թե ում հետ» ներկայացումը։ Բեմադրող-ռեժիսոր Լուսինե Երնջակյան։ Փառատոնի դիպլոմանտ։
- 28.10.2009 – «ԵՐԿԱԹ» մշակութային ակումբը («Փոքր բեմ» մշակութային ակումբը) հյուրընկալեց հայտնի մտավորական, գրող, հրապարակախոս Մերուժան Տեր-Գուլանյանին: Կայացավ “Արվեստը և լրատվությունը” խորագրով հանդիպումը։
- 10.11.2009 – «Պատմություն – ժամանակներ – մարդիկ»։ «ԵՐԿԱԹ» մշակութային ակումբը («Փոքր բեմ» մշակութային ակումբը) հյուրընկալեց երիտասարդ իրանահայ լուսանկարիչ Ռաբերտ Ղևոնդյանի արվեստի երկրպագուներին:
- 11.11.2009 – «ԵՐԿԱԹ» մշակութային ակումբի («Փոքր բեմ» մշակութային ակումբի) այս երեկոն նվիրվեց երաժշտությանը: Երիտասարդ դերասան Արթուր Մանուկյանը ներկայացրեց հանդիսատեսին իր «Համերգ կամ նման մի բան» խորագրով հեղինակային երգերի շարքը:
- 12.11.2009 – Հայաստան, Երևան, Երիտասարդ թատերական ռեժիսուրայի 4-րդ հանրապետական փառատոն։ Ներկայացվեց «Ինչ տարբերություն, թե ում հետ» ներկայացումը։ Բեմադրող-ռեժիսոր Լուսինե Երնջակյան։ Փառատոնի դիպլոմանտ։
- 18.11.2009 – «ԵՐԿԱԹ» ակումբի երիտասարդ անդամների հերթական հավաքը նվիրված էր մի շատ հետաքրքիր և հավակնոտ նախագծի, որի աշխատանքային անվանումն է «Իմ Երևան»:
- 13.12.2009 – «ԵՐԿԱԹ»ը հավաքեց իր անդամներին՝ տարվա ամփոփիչ հանդիպման։ Կատարված է լուրջ և ծավալուն աշխատանք, որի արդյունքների վերլուծումից հետո միայն կարելի է կազմել հետագա ռազմավարական պլանները։
2010
- 04.02.2010 – «Լուսատտիկների կանչը» ներկայացման պրեմիերա՝ Կամերային թատրոնի «Փոքր դահլիճ»-ում։ Պիեսի հեղինակ և բեմադրող ռեժիսոր՝ Արա Երնջակյան։
- 15.02.2010 թ. – «ԵՐԿԱԹ» մշակութային ակումբի հյուրերը հայկական պարարվեստի նվիրյալներն էին: Բանավեճի թեման` «Անավարտ ֆուէտե…»` նվիրված ժամանակակից հայկական պարարվեստի նվաճումներին և խնդիրներին:
- 06.03.2010 – Հայաստան, Երևան, «Թատրոն – X» 3-րդ Հանրապետական փառատոն։ Ներկայացվեց «Ինչ տարբերություն, թե ում հետ» ներկայացումը։ Բեմադրող-ռեժիսոր Լուսինե Երնջակյան։ Փառատոնի դիպլոմանտ։
- 06.03.2010 թ. – «Անավարտ ֆուէտե…»-2։ «ԵՐԿԱԹ» մշակութային ակումբը հյուրընկալեց Հայստանի պետական պարային կոլեկտիվների ղեկավարներին, որոնց քննարկման առարկան էր ՀՀ մշակույթի նախարարին ուղղվելիք նամակի բովանդակությունը:
- 09.03.2010 թ. – «Ժամանակակից հայկական կինո: Հատվածներ չասվածից»: «ԵՐԿԱԹ» մշակութային ակումբում հավաքվել էին մեր կինոյի մի քանի սերունդների ներկայացուցիչներ, ռեժիսորներ, սցենարիստներ, դերասաններ, պրոդյուսերներ: Քննարկման առարկա առաջին հերթին դարձավ նյութի ընտրության խնդիրը...
- 23.03.2010 թ. – «ԵՐԿԱԹ» մշակութային ակումբը կազմակերպել էր «Երևան դարձած իմ Էրեբունի» խորագրով քննարկումը` նվիրված Երևանի ճարտարապետությանն ու քաղաքաշինական խնդիրներին:
- 27.03.2010 – ՀԹԳՄ «Արտավազդ» ամենամյա մրցանակաբաշխությանը ներկայացվեց «Ինչ տարբերություն, թե ում հետ» ներկայացումը (բեմադրող ռեժիսոր Լուսինե Երնջակյան), և «Լավագույն երիտասարդ դերասանուհի» անվանակարգում «Արտավազդ» մրցանակը շնորհվեց Լիլի Էլբակյանին։
-
13.04.2010 – «Concerto grosso նվագախմբի և դատարկ դահլիճի համար»։ Երևանի Կամերային թատրոնի «ԵՐԿԱԹ» մշակութային ակումբի հյուրերն են անվանի երաժիշտ-կատարողներ, պրոդյուսերներ, մշակութային գործիչներ, ռադիոյի և հեռուստատեսության երաժշտական խմբագիրներ: Նոր ժամանակներն առաջադրում են նոր խնդիրներ, փոփոխվում են առաջնահերթությունները և ունկնդրի ճաշակը: Հենց այդ հարցերի շուրջ էլ ծավալվեց ակումբի քննարկումը:
- 27.04.2010 – Մեր թատերական կյանքը միշտ առանձնացել է ակտիվությամբ և պատահական չէ, որ Հայաստանում արդեն ավանդույթ են դարձել հանրապետական և միջազգային փառատոները: Եվ այդ փառատոների երիտասարդ կազմակերպիչներն են այսօր բանավիճում «ԵՐԿԱԹ»-ում։
- 14.05. 2010 – «ԵՐԿԱԹ» -ում բանավեճ է «Մեր ժամանակի հերոսը» խորագրով: Առաջին անգամ բանավեճին մասնակցում են ոչ միայն արվեստագետներ, այլև մանկավարժներ, լրագրողներ, գիտնականներ:
- 05.06. 2010 – «Նորի գալուստը»։ Այսպես ձևակերպվեց այս բացառապես երիտասարդական հանդիպման թեման «ԵՐԿԱԹ» մշակութային ակումբում: Երիտասարդությունն այսօր կանգնած է շատ լուրջ խնդիրների առջև և մեր` ավագներիս գործը ոչ թե դժգոհելը կամ մեղադրելն է, այլ լսել, հասկանալ, օգնել և գործել միասին, համագործակցել:
- 15.06.2010 – Այսօր «ԵՐԿԱԹ»-ի ստեղծագործական խմբի ուշադրության կենտրոնում է հայրենական ռոք երաժշտությունն ու կատարողները: «Հայկական ռոքի երկրորդ գալուստ» խորագիրը, ինչպես և կարծում էինք, առաջացրեց ամենատարբեր գնահատականներ:
|
|
