«Ալքիմիկոս», Երևանի կամերային թատրոն

(«ՀԵՔԻԱԹ ԱՐՔԱՅԱԶՆԻ ԵՎ ԱՂՋԿԱ ՄԱՍԻՆ,

ՈՐԸ ՉԷՐ ՀԱՎԱՏՈՒՄ ՀԵՔԻԱԹՆԵՐԻՆ»)

Պիեսի հեղինակ և բեմադրող ռեժիսոր՝ Արա Երնջակյան

Պրեմիերան կայացել է 1982թ. Երևանում

«Ալքիմիկոս»-ը կարելի է բնութագրել որպես խոստովանություն։

Ըստ էության՝ այն ճշմարտությանը հասնելու, գիտության և կյանքի մեջ փոխզիջումների գնալու փիլիսոփայական բանավեճ է և իհարկե սիրո ու կյանքի խորհրդածություն:

Ժանրային առումով «Ալքիմիկոսը» պիեսը դրամա է. մեկ անձի դրամա և կյանքի դրամա։

Դերասանական կատարումը բավականին տարաբնույթ է. ներկայացումը կառուցված է գիտության ներկայացուցիչների և իշխանատերերի կերպարների հակադրության վրա։

Ժամանակահատվածը, երբ տեղի են ունենում գործողությունները, չի պարզաբանվում՝

այս պատմությունը կարող է կատարվել ցանկացած ժամանակ, ցանկացած դարում, ցանկացած երկրում։

«Հեքիաթը»՝ սկզբունքին հավատարիմ մնալու, դյուրին բարեկեցությանը, բարձր գաղափարներն ու նպատակները հակադրելու և, իհարկե, նաև սիրո ու կյանքի խորհրդածություններ են»:

Վարսիկ Գրիգորյան, «Ավանգարդ» 21.09.1983 թ.